Achterhook

Dotterbloemen aan de Boombeek 'k Wille in 't veurjaor in de weide lopen,
de bonte weide van mien Achterhookse land,
gael van de peerde- en paers van de pinksterblomen,
met kroos en dotterblomen an de waterkant.


Koeien in de wei in Kotten 'k Wille in de zommer in de zonne zitten,
dee schient ovver mien Achterhookse land,
waor de beeste staot te dreumen in de weide,
een peerd de kaore trok deur 't mulle zand.


Vliegenzwammen in het veen van Zwillbrock "k Wille in de harfst deur onze busse dwalen,
't broengevarfde bos van mien Achterhookse land,
waor de herfstdräö glinstert in de ondergaonde zonne,
en peddesteule greujt in een heksenrand.


Winter in het Woold "k Wille in de winter de snee weer heuren kraken,
as 'k lope in mien Achterhookse land,
de giezel op de tekke en de blomen op de roeten,
zeen smölten onder de warmte van mienen hand.


Maor ik hebbe gelukkig niks te willen,
want alles kump zoals 't kommen mot,
't blif een eeuwegdurende bewaeging,
as 't ene kump, geet 't andere vot

Jo ter Linde-Deunk